البرلماني التجمعي الشاب لحسن السعدي يرد على منتقديه “ما خاصناش نحصرو النقاش السياسي فالبلاد فنقاش الكرش والمارشي، المغاربة ينتظرون تعليم أفضل لأبنائهم وينتظرون إصلاحا حقيقيا للصحة…”
اسرار بريس… البرلماني لحسن السعدي
.. دابا ملي كنقول باللي الحكومة خاصها تركز على الأوراش الكبرى اللي التازمات بيها مع المغاربة واللي هي الحماية الاجتماعية والصحة والتعليم وخلق فرص الشغل كنولي كنستهتر بالمغاربة؟ ملي كنقول بأننا مبغيناش حكومة ديال “بطاطا وماطيشا ” والشفوي الخاوي اللي ضيع لينا عشر سنين من حياتنا كنكون كنستفز المغاربة؟
الى كان هذا استفزاز واستهتار فأنا أتشبت به وأكرره وأؤكده.
والحقيقة أنني قلت باللي الغلاء أمر واقع وكاين والحكومة دايرة جهدها باش البلاد تتجاوز الأزمة وباقي خاص اجتهاد فهاد الورش ولكن هادشي مكيعنيش باللي خاصنا نحصرو النقاش السياسي فالبلاد فنقاش الكرش والمارشي، المغاربة ينتظرون تعليم أفضل لأبنائهم وينتظرون إصلاحا حقيقيا للصحة وينتظرون تفعيل الحماية الاجتماعية واستكمال ورش التعطية الصحية وتعميم التعويضات العائلية وإقرار مدخول كرامة وتفعيل الميثاق الوطني للاستثمار لخلق فرص الشغل لولادهم.
واللي تقلق من هاد الهضرة شغلو هداك فهي قناعة راسخة لدينا
