تقاطر شكايات الضحايا على المصالح الأمنية وموثق مراكش الملياردير النصاب مختفي عن الأنظار….

 مازالت الشكايات تتقاطر على المصالح الأمنية ومازال يعيش عشرات من الضحايا الذين تعرضوا للنصب من طرف موثق بمدينة مراكش يدعى (س. س)، منهم مغاربة وأجانب، وسط قلق وخوف متناميين مع مرور كل يوم دون إلقاء القبض عليه؛ إذ يوجد في حالة فرار وصدرت في حق مذكرة بحث على الصعيد الوطني.

وللتذكير سمير .س موثق معروف بمدينة مراكش، نصب على اكثر من 65 ضحية في مبلغ ناهز 7 مليارات سنتيم و بات ما صبح…هادي سنة تقريبا.

الواقعة بدات مع بداية الجائحة، كان الموثق سمير .س وبحكم السمعة الطيبة لي كانت عندو بين الموثقين فالمدينة الحمراء ولي كانت مبنية خصوصا على المصارفة فاداء واجبات التوثيق و كان كايتساعد مع الناس و كايدير اثمنة مزيانة.

تمسكن حتى ثاقو فيه الزبناء و بداو يتوافدو عليه بشكل كبير من داخل و خارج ارض الوطن، حتى الاجانب المقيمين فمراكش، …

دكتور صيدلاني 220 مليون، دكتور اخر مع باقي الورثه 600 مليون، ستيفان620 مليون، صاحب وكالة سياحية 427 مليون،، مريم بأمريكا 85 مليون، و اصحاب70 و 60 و 40 و 30 …

السي سمير دخل مع مستثمرين فالعقار و البناء و بدا كايعطيهم من فلوس الناس لي كايجيو يبيعو و يشريو ممتلكاتهم عندو، و يماطل فيهم من بعد، كل مرة عذر حتى انفجرات القضية بسبب زبون كان باغي يبيع محل تجاري كبير قرب مرجان طريق كازا بمبلغ 900 مليون، ملي جا ياخذ العقد ديالو لقى النوطير كتب ليه 90 مليون عوض 900.

 بعدها غايبان مواطن عراقي تا هو مشات ليه 69 مليون، ثم سيدة باع ليها ڤيلا ديالها لموثقة اخرى تا هي كانت محط شبهات ب 200 مليون و ماشدات تا ريال، و بداو كايبانو ناس من الجالية و من الداخل هرب ليهم بمبالغ خيالية، منهم لي تشرد و لي تشلل بالفقصة.

الموثق كيعتامد على سماسرة كثار في مدينة مراكش اللي كايجيبو ليه ضحايا وكياخدو عمولات مهمة، زيادة على موظفات داخل المكتب اللي خداو فلوس كثيرة من الزبائن بدون أن يحصل البائع على تمن العقار اللي باعو.

النيابة العامة بابتدائية مراكش استقبلت الضحايا و تصنتات ليهم، لا بيجي نفس الشيء، لكن بدون نتيجة تذكر الى حدود كتابة هذه الاسطر…

مؤخرا لابيجي جاتها شي اخبارية انه اتصل بالهاتف بمو من نواحي مراكش، و مو سيدة مسنة درويشة و فقيرة.

السؤال، اين هو الموثق و اين هي الملاير لي سرق ؟؟؟ 

سييير على بركة الله…