اسرار بريس
كايكونو فالاول جنب شانطي كيترزقو الله …
كلشي مواطنين ومخزن كايقولو خليهم يترزقو ما عليهش الله يحسن العوان والله يسهل عليهم …
شويا كايوليو وسط شانطي معمرين طريق السيارات ورصيف الراجلين ولي داز من حداهم يضاربو معاه بلا ما نهضروا على تخصار الهضرة و الازبال و التحرش بالنساء و الضرب والجرح بيناتهم ومع الناس والزبناء لحقاش أغلبهم أصحاب سوابق !!!
شويا كيكثرو الناس من الشكايات كيجي المخزن كايجري عليهم او كيبغي يحولهم لبلاصة اخرى او لشي سوق نموذجي كينوضوا صداع وكيضاربو مع المخزن و كايبداو يتبكاو فالفيديوات : حكروني و داو لي رزقي …إلخ
وحنا بغباء كنبقاو على جيم وبارطاج ..شعب_غير_قابل_للتطور
