قهوة الصباح مع الكاتبة ( س ـ ح ).
من غير المعقول مرور الثامن من مارس مرور الكرام ، بلا ما نوقف وقفة إحترام و إجلال وتقدير، لنساء أولادبرحيل، نساء مكافياش سطور قليلة باش توفيهم حقهن، ف كيفاش نقدرو نعبرو على حبنا و تقديرنا للأمهات و ربات البيوت لي كيقومو كل يوم بالأشغال الشاقة ديال البيت وأعباء الأطفال وكيتحملو سلوكات بعض الأزواج التي تثير الغثيان بداية من عدم الإعتراف وعدم إعطاء القيمة لهن والإستهثار والإستهزاء بكيانهن وأفكارهن. لفتيات شريفات، عفيفات، طموحات، أغلبهن يتيمات أو كايعانيو من قصر ذات اليد، كيشتغلو ف مجالات مختلفة كالخياطة أو التجارة، كتلقاهم وسط القيسارية خدامات بالمعقول ومن نيتهم و مكيتشكاو. لعيالات أغلبهن مطلقات أو أرملات ماربعوش يديهم واستسلمو للواقع، بل شمرو على سواعدهن ودخلو ميدان العمل خصوصا فالميناج مهنة شريفة و فيها تمارة، ما بين مسح وتسياق وتجفاف فالوكالات البنكية والمؤسسات. النساء عجائز كبيرات فالسن لكن ميأسوش من الحياة، ختارو أنهم يجددو نشاط حياتهم فالوقت لي الكل حاول يقنعهم بلي وقتهم سالات، وهما تبثو العكس شراو كتوبا ودفاتر وستيلوات ولوحة وانطلقن فمشوار محو الأمية و ولاو كيعرفو أرقام الهواتف والعناوين ،ومعمري نسا مقدار الفرح لي شفتو فعينيهم نهار تعلمو يكتبو سميتهم .مكرهتش نجمع هاد الأصناف ديال النساء كلهم وندير ليهم تكريم على شرفهم ونقول ليهم تبارك الله عليكم.
